Gjatë ditës së sotme është bërë e ditur se aktorja e njohur, Shirine Morina ka ndërruar jetë.
Vdekjen e saj e bëri të ditur, deputeti i Lëvizjes Vetëvendosje, Mefail Bajqinovci.
Sipas Bajqinovcit aktorja e njohur la pas një trashëgimi të çmuar.
“Sot humbëm një nga figurat e shquara të skenës artistike në Kosovë, znj.Shirine Morina. Aktorja e njohur, e cila shënoi një epokë të rëndësishme në historinë e teatrit dhe kulturës kosovare, la pas një trashëgimi të çmuar. E takoja miken time shpesh dhe ishte shumë pozitive dhe plotë energji.
Ngushëllime familjes dhe gjithë komuniteti artistik!”