Ka vdekur ish-luftëtari i Ushtrisë Çlirimtare të Kosovës (UÇK) në zonën e Pashtrikut, Sabahajdin Cena.
Këtë e ka bërë të ditur ushtruesi i detyrës së kryetarit të OVL-UÇK-së, Faton Klinaku, përmes një postimi në Facebook.
Ndryshe, më 14 janar 2019, Cena kishte marrë ftesë nga Gjykata Speciale për t’u intervistuar lidhur me aktivitetin dhe angazhimin e tij në UÇK.
“Ne besojmë në pastërtinë e luftës tonë çlirimtare, dhe vlerat e saja nuk mund të kontestohen nga askush, nuk kemi asnjë arsye që t’i shmangemi organeve të drejtësisë dhe do të jemi në dispozicion të çfarëdo thirrjeje për ta zbardhur të vërtetën”, kishte thënë Cena.