Dizajneri spanjoll i modës, Paco Rabanne ka vdekur në moshën 88-vjeçare në Potsall të Francës.
Rabanne, emri i vërtetë i të cilit ishte Francisko Rabaneda Cuervo, u bë i njohur ndërkombëtarisht në vitet e ’60-ta.
Mirëpo, pasi është pensionuar në vitin 1999, ai ishte tërhequr nga jeta publike.
Rabanne u lind në shkurt të vitit 1934, në qytetin bask të Pasajes, provincën Gipuzkoa. Babai i tij, një kolonel republikan, ishte ekzekutuar nga trupat franceze gjatë Luftës Civile Spanjolle.
Më pas ai themeloi shtëpinë e tij të modës në vitin 1966 dhe në vitin 1968 filloi të bashkëpunonte me kompaninë e aromave “Puig”.
Në të njëjtin vit, një fustan jeshil i dizajnuar nga Rabanne u vesh nga Jane Fonda në filmin fantastiko-shkencor “Barbarella.”
Vdekja e tij u konfirmua nga një zëdhënës i grupit spanjoll Puig.
Sipas WWD José Manuel Albesa, president i divizionit të modës dhe bukurisë së Puig, tha: “Paco Rabanne e bëri shkeljen magnetike. Kush tjetër mund t’i nxiste gratë parisiane në modë të zhurmojnë për fustane prej plastike dhe metali?
“Kush përveç Paco Rabanne mund të imagjinonte një aromë të quajtur Calandre – fjala do të thotë “skarë automobilash”, e dini – dhe ta kthejë atë në një ikonë të feminitetit modern? Ai shpirt radikal dhe rebel e veçoi atë: Ka vetëm një Rabanne.”
Ai shtoi: “Me vdekjen e tij, ne kujtohemi edhe një herë për ndikimin e tij të madh në modën bashkëkohore, një frymë që jeton në shtëpinë që mban emrin e tij.”