Shërbimi Korrektues i Kosovës (ShKK) ka njoftuar se gjatë kësaj të premte, rreth orës 17:52 në Klinikën e Neurologjisë të SHSKUK-së, ka ndërruar jetë një i burgosur.
“Nga pranimi i tij në QP Prizeren, për shkaqe shëndetësore është transferuar për në Stacionarin e Burgut të Dubravës, ku për shkak të gjendjes së tij shëndetësore jo të mirë ka qëndruar tërë kohën”, njofton Shërbimi Korrektues i Kosovës.
“Më 01.03.2023, pas perkeqësimit të gjendjes shëndetësore, nga mjeku kujdestar udhëzohet për vizitë mjekësore urgjente në Spiralin Rajonal të Pejës, ku edhe hospitalizohet në Repartin e Neurologjisë”.
Në njoftimin e ShKK-së thuhet se gjatë të njëjtës ditë, rreth orës 21:00, i burgosuri është transferuar në SHSKUK, në Klinikën e Neurologjisë, për evaluim dhe trajtim të mëtutjeshëm, por për kundër përpjekjeve të vazhdueshme të stafit të Klinikës së Neurologjisë, bazuar në gjendjen e tij të pergjithshme si pasojë e sëmundjeve kronike dhe komplikimeve që kishte, i njëjti ka ndërruar jetë.
Organet kompetente janë duke u zhvilluar procedurat ligjore, ndërsa autopsia do të verifikoj shkakun e vdekjes.