Kompania Rajonale e Prishtinës, KRU “Prishtina”, njofton se ka ndryshuar orari i reduktimeve të ujit të pijshëm në Podujevë.
Sipas njoftimit të tyre, kjo është bërë për shkak të fillimit të procesit mësimor në shkolla dhe që të mos ketë pengesa në furnizim.
KRU “Prishtina” njofton se orari i reduktimeve do të jetë nga ora 21:00-08:00.
“Ju njoftojmë se kemi ndryshim të orarit të reduktimeve të ujit të pijshëm në qytetin e Podujevës. Për shkak të fillimit të procesit mësimor në shkolla dhe që të mos ketë pengesa në furnizim, orari i reduktimeve do të jetë nga ora 21:00-08:00. Faleminderit për mirëkuptim!”, thuhet në njoftimin e KRU “Prishtina”.