Të shtunën e 21 janarit ishte 17-vjetori i vdekjes së ish-presidentit Ibrahim Rugova.

Në 17-vjetorin e vdekjes së tij, ish-presidenti Ibrahim Rugova është kujtuar dhe nga Forumi Crans Montana.

Përmes një postimi të tyre thuhet se “17 vjet më parë ndërroi jetë presidenti i parë i Kosovës dhe lideri i lëvizjes për liri dhe pavarësi, Dr.Ibrahim Rugova”.

“Ne ishim miq besnikë që nga prilli 1992”, thuhej tutje në njoftim.

Në këtë forum, ishte pjesëmarrës dhe ish-presidenti Rugova, ku kryetari i këtij forumi, Jean-Pual Carteron, ishte dekoruar me Urdhrin për paqe, demokraci dhe humanizëm “Dr. Ibrahim Rugova” për kontribut të veçantë në ndërtimin e paqes, zhvillim e demokracisë dhe kultivimin e humanizmit.