Policia e Kosovës ka iniciuar rast për veprën penale “Legalizim i përmbajtjes së pavërtetë” pas kontrollit të një automjeti në Pikën Kufitare Dheu i Bardhë.
Sipas raportit 24-orësh të Policisë, gjatë kontrollit në hyrje të vendit, te një i dyshuar, mashkull kosovar, janë gjetur dokumente të ndryshme që u përkisnin personave të tjerë, përfshirë certifikata të lindjes, certifikata të shtetësisë dhe të martesës të lëshuara nga Serbia, kopje të letërnjoftimeve të Republikës së Kosovës, si dhe vendime të ndryshme të gjykatave të Serbisë.
I dyshuari është intervistuar nga hetuesit, ndërsa me vendim të prokurorit është liruar në procedurë të rregullt hetimore. Rasti po hetohet nga organet kompetente.