Më 3 prill 2022 janë mbajtur zgjedhjet presidenciale dhe parlamentare në Serbi, partia SNS e udhëhequr nga Aleksander Vuçiq shpalli fitore.
Serbët e veriut të Mitrovicës kanë dalë për të festuar në orët e vona të mbrëmjes. Në raportin e Policisë së Kosovës thuhet: ‘Raportohet se ka pasur grumbullim të personave dhe kolonë veturash, ku dyshohet se janë përdorur mjete piroteknike dhe armë. PolIcia e Kosovës ka bërë shpërndarjen e turmës, dhe në vendin e ngjarjes ka gjetur dhe sekuestruar disa gëzhoja të armëve të llojeve të ndryshme si dhe disa kuti me mjete piroteknike.”
Policia ka njoftuar se rasti është iniciuar si: “Shkaktim i rrezikut të përgjithshëm”. Rasti është hapur me vendim të prokurorit dhe po vazhdon të hetohet nga njësitë relevante.
