Në gjendje të dehur, babai ther me thikë vajzën e tij në Prizren
Një incident ka ndodhur të premten në Prizren, ku një i dyshuar në gjendje të dehur ka therur me thikë vajzën e tij, 21-vjeçare. Zëdhënësi i Policisë së Kosovës, Shaqir Bytyqi, ka konfirmuar lajmin për Dukagjinin, duke shtuar se 44-vjeçari e kishte sulmuar vajzën pas një mosmarrëveshjeje. “Sot, më datën 14 qershor 2024 rreth orës […]
Një incident ka ndodhur të premten në Prizren, ku një i dyshuar në gjendje të dehur ka therur me thikë vajzën e tij, 21-vjeçare.
Zëdhënësi i Policisë së Kosovës, Shaqir Bytyqi, ka konfirmuar lajmin për Dukagjinin, duke shtuar se 44-vjeçari e kishte sulmuar vajzën pas një mosmarrëveshjeje.
“Sot, më datën 14 qershor 2024 rreth orës 00:10, në Prizren është raportuar se një person i dyshuar (A.Sh., 44 vjeç), pas një mosmarrëveshjeje, nën ndikimin e alkoolit ka sulmuar viktimën (E.Sh., 21 vjeç), duke përdorur një mjet të mprehtë, thikë në regjionin e shpinës. Viktima ka pësuar lëndime trupore, sipas raportit mjekësor”, ka thënë Bytyqi.
Po ashtu, ai ka bërë të ditur se pas konsultimeve me prokurorin kujdestar nga departamenti i krimeve të rënda, rekomandohet inicimi i një rasti penal për “Vrasje në tentativë”, i cili lëshon aktvendimin mbi ndalim për 48 orë.















