Në lumin e tharë italian zbulohet bomba e pashpërthyer nga Lufta e Dytë Botërore

Nga thatësira në lumin Po të Italisë është zbuluar një bombë e pashpërthyer nga Lufta e Dytë Botërore. Bomba e gjetur nga peshkatarët peshon 450 kg

Ilustrim

Nga thatësira ekstreme, është zbuluar një bombë e pashpërthyer e Luftës së Dytë Botërore e zhytur në një lumë italian.

Bomba 450 kg është gjetur nga peshkatarët në brigjet e lumit Po.

Seksione të mëdha të lumit 650 km janë tharë në thatësirën më të keqe të Italisë në 70 vjet. Moti i pazakontë i nxehtë dhe nivelet e ulëta të reshjeve kanë shtuar mungesën e ujit në veri të Italisë dhe kanë rritur frikën për efektet e ndryshimeve klimatike.

“Bomba u gjet nga peshkatarët në bregun e lumit Po,” tha zyrtari i ushtrisë, koloneli Marco Nasi për agjencinë e lajmeve Reuters.

Si lidhet moti ekstrem me ndryshimin e klimës?

Pajisja e pashpërthyer, për të cilën zyrtarët ushtarakë italianë thanë se përmbante 240 kg  u zbulua pranë fshatit Borgo Virgilio të Lombardisë në korrik.

Rreth 3 mijë banorë aty pranë thuhet se u evakuuan në mënyrë që ekspertët e asgjësimit të bombave të mund të kryenin me siguri një shpërthim të kontrolluar të dielën.

“Në fillim, disa nga banorët thanë se nuk do të lëviznin, por ditët e fundit mendojmë se i kemi bindur të gjithë,” tha kryebashkiaku vendas Francesco Apori, raporton BBC.

Bomba e gjetur në lumin Po

Hapësira ajrore e zonës u mbyll gjithashtu për një kohë të shkurtër, si dhe trafiku lumor në vetë rrugën ujore.

Po është lumi më i gjatë i Italisë, që rrjedh nga Alpet jugperëndimore deri në detin Adriatik, por imazhet vjetore satelitore të këtij viti tregojnë zona të zgjeruara të shtratit të lumit të tharë si rezultat i thatësirës ekstreme.

Zyrtarët italianë shpallën gjendjen e jashtëzakonshme muajin e kaluar për zonat përreth Po, e cila ujit rreth një të tretën e prodhimit bujqësor të vendit.

Rryma e tij është dobësuar aq shumë për shkak të nxehtësisë dhe mungesës së reshjeve në muajt e fundit, sa fermerët në Luginën e Po thonë se uji i kripur i detit tani po depërton në lumë, duke shkatërruar të korrat.

Shija e redaktorit

Spanja kampione e Evropës për herë të katërt

Ka mbaruar super ndeshja mes Spanjës dhe Anglisë në kuadër të finales së Kampionatit Evropian 2024. Pas një loje fantastike, Spanja ka përmbyllur ndeshjen me...

Spanja në finale, mposht Francën

Kombëtarja e Spanjës ka arritur kualifikimin në finale të Euro 2024, pasi mposhti me rezultat 2:1 kombëtaren e Francës në gjysmëfinale. Në pjesën e dytë...

Ballkani triumfon në ndeshjen e parë kualifikuese në Ligën e...

Ballkani ka fituar 2-1 ndaj Santa Coloman në 1/8 e fazës kualifikuese në Ligën e Kampionëve. Ndeshja nisi me një ritëm të qetë, por që...

Të fundit nga rubrika