Në mbështetje të Vuçiqit, serbët e Kosovës nisen drejt Serbisë

Serbët nga Kosova ia mësynë Beogradit në përkrahje të presidentit serb, Aleksandër Vuçiq

Serbët nga Kosova ia mësynë Beogradit në përkrahje të Vuçiqit

Një numër i madh i qytetarëve serbë nga komunat veriore të Kosovës, të martën e 31 majit janë nisur drejt Beogradit për t’i dhënë mbështetje presidentit të Serbisë, Aleksandër Vuçiq.

Kjo për shkak se pas fitores së tij në zgjedhjet e prillit, Vuçiq do të bëjë betimin si president i Serbisë.

Siç shkruan e përditshmja serbe “B92”, me pankarta në duar, serbët e Kosovës janë nisur drejt Serbisë në orët e hershme të së martës.

Serbët e Kosovës nisen drejt Beogradit

“President, e gjithë Kosova janë më ty”, “President faleminderit që po e mbron Kosovën”, “Derisa të jetë president Vuçiq, do të ketë serbë në Kosovë”, ishin disa nga pankartat e tyre.

Serbët nga Kosova pritet të mblidhen para kuvendit të Serbisë, në kohën kur Vuçiqi do të bëjë betimin.

Ata janë shoqëruar edhe nga përfaqësuesit e tyre politikë, ata të Listës Serbe.

Disa nga pankartat e serbëve të Kosovës, në mbështetje të presidentit serb

Ndryshe, sipas rezultateve preliminare të Komisionit Zgjedhor në Serbi, Vuçiç, kishte fituar zgjedhjet presidenciale të tre prillit duke marrë 58.9 për qind të votave.

I dyti, sipas KQZ-së serbe, u radhit kundërkandidati i Vuçiç-it, Zdravko Ponos, me 18.32 për qind të votave.

Partia e Aleksandër Vuçiç, ka fituar bindshëm edhe zgjedhjet parlamentare, duke marrë 42.97 për qind të votave.

Aleksandër Vuçiq, presidenti i Serbisë

Ndërsa, Partia “Të Bashkuar për Fitore” doli e dyta me 13.57 për qind të votave, kurse “Ivica Daçiq – Kryeministër” e treta me 11.57 për qind.

“Koalicioni i Shqiptarëve” ka arritur të sigurojë 0.26 për qind të votave.

Shija e redaktorit

Vetëm në muajin shkurt mërgata ka dërguar 87.9 milionë euro

Banka Qendrore e Republikës së Kosovës, sipas kalendarit të publikimeve, ka prezantuar statistikat për institucionet e tjera financiare për muajin shkurt 2024, të remitancave...

Ndahen 8 milionë euro për 11 komuna

Ministri i Administrimit dhe Pushtetit Lokal(MAPL), Elbert Krasniqi, ka njoftuar se janë ndarë 8 milionë euro në 11 Komuna. Ministri Krasniqi, bashkë me kryetarët e...

Kosova një hap më afër anëtarësimit në Këshill të Evropës

Komiteti për Politikë dhe Demokraci i Këshillit të Evropës ka miratuar raportin e raportueses për Kosovën, Dora Bakoyannis, ku rekomandohet që shteti ka përmbushur...

Të fundit nga rubrika