Policia e Kosovës ka bërë të ditur se në Mitrovicë të Jugut janë gjetur eshtrat e së paku dy personave të zhdukur gjatë kohës së luftës.
Sipas raportit 24-orësh të Policisë, me udhëresë të gjykatës është bërë gërimi teksa besohet se eshtrat i përkasin përkasin listës kombëtare të personave të zhdukur me forcë gjatë periudhës së luftës 1998-1999, njofton Dukagjini.
“Pas përfundimit të procedurave në vendin e ngjarjes mbetjet e eshtrave janë sjellur në IML për ekzaminim mjekësor dhe konfirmim të identitetit përmes analizës së ADN-së”, thuhet në njoftim.