Problemet e thatësirave, të korrave të këqija, pandemia e vazhdueshme e koronës dhe kriza e mundshme e urisë janë në në qendër të takimit të grupit të shtatë vendeve më të industrializuara të botës.
Në samitin e G7-së do të diskutohet për kriza të mëdha. Përveç Gjermanisë, grupi i G7-së përfshin Francën, Italinë, Japoninë, Kanadanë, Shtetet e Bashkuara të Amerikës dhe Britaninë e Madhe.
Në këtë samit janë ftuar edhe, India, Afrika e Jugut, Senegali, Indonezia dhe Argjentina.
Në këtë samit mund të përcaktohen drejtime udhëzuese vendimtare për samitin e G20-së dhe konferencën e ardhshme të OKB-së për klimën. Të dyja do të zhvillohen në nëntor.
“G7 është ndoshta i vetmi forum shumëpalësh, mbirajonal që vazhdon të mbetet i aftë për të vepruar tani që në Ukrainë kemi luftë. Kjo është arsyeja pse G7 ka një rëndësi të veçantë këtë vit, gjithashtu si një koalicion i vendeve më të rëndësishme donatore”, ka thënë drejtoresha për Gjermaninë e Global Citizen, një organizatë që punon për të luftuar varfërinë ekstreme, Friederike Meister.