Kina ende vazhdon me kontrolle të rrepta testimi për COVID-19, ani pse pandemia në nivel global ka shënuar rënie.
Po,r lehtësimi po i lë shpejt vendin zhgënjimit me banorët që tani po përballen me orë të tëra duke pritur në radhë për testet e virusit dhe rezultatet negative që duhet të tregojnë për t’u lejuar të hyjnë në hapësira publike.
Qytetarëve u kërkohet të kenë prova se kanë bërë një test për COVID brenda 72 orëve të fundit për të hyrë në zona si qendrat tregtare dhe zyrat – apo edhe për të përdorur metro dhe autobusë.
Autoritetet kanë ndërtuar 15 mijë vende testimi dhe kanë trajnuar mijëra punëtorë për të pastruar fytin.
Qytete të tjera kineze, përfshirë Pekinin dhe Shenzhenin, kanë vendosur kërkesa të ngjashme testimi sipas një politike kombëtare zero-COVID që synon të ndërpresë çdo zinxhir infeksioni.
Pakënaqësia e thellë është ndezur nga kufizimet e rrepta të Shangait, por Kina është zotuar të qëndrojë me qasjen e saj.
Sipas ekspertëve shëndetësor në Kinë, politika zero-COVID është e nevojshme për të shpëtuar jetë dhe për të parandaluar që sistemi i tij i kujdesit shëndetësor të mbytet, edhe pse shumica e botës përpiqet të kthehet në normalitet. Kjo do të thotë se testimi për COVID po bëhet një tipar i jetës së përditshme: qëllimi i Kinës është të ketë vende testimi brenda një shëtitjeje prej 15 minutash për të gjithë në qytetet e mëdha.