Të enjten e 11 gushtit, kryeministri i Shqipërisë, Edi Rama, ka shpërndarë statistika se sa vizitorë ka pasur në Shqipëri vetëm në shtatë ditët e para të muajit gusht të vitit 2022.
“Ja si janë rritur vizitorët e huaj të Shqipërisë turistike në muajt qershor e korrik, si edhe në 7 ditët e para të gushtit. Nuk llogariten këtu shtetasit e Kosovës, të cilët prej 1 qershorit hyjnë lirisht pa ndaluar në kufij”, ka shkruar Rama në në rrjetin social Facebook.
Në vitin 2022 në muajin gusht, nga data 1 deri te data 7, në Shqipëri kishin ardhur 482 mijë 818 vizitorë, që në krahasim me vitin 2021 është rritur me 17.5 për qind. Në vitin 2021 numri i turistëve ka qenë 411 mijë 020, vizitorë për të njëjtën periudhë kohore 7-ditore.
Ndërsa, në muajin korrik të vitit 2022 kishin qenë në 1 milion e 403 mijë e 333 vizitorë, një krahasim me të njëjtë periudhë kohorë të vitit 2021 kur kishin qenë 1 milion e158 mijë e 962 vizitorë, që i bie se në 2022 është rritur numri për 21.9 për qind më shumë.
Muaji rekord për ardhjen e turistëve ka qenë qershori i vitit 2022 ku kishin qenë 867 mijë e 56 vizitorë, në krahasim me 2021 është rritur me 45 për qind më shumë, pasi në qershor të 2021 numri i vizitorëve të huaj ka qenë 604 mijë e 381.