Gjatë kësaj të hëne, Policia në Skenderaj ka identifikuar disa persona që ushtronin veprimtari të lëmoshë-kërkimit.
“Në saje veprimeve operative, me qellim të parandalimit të dukurisë së lëmoshë-kërkimit zyrtarë policor në kuadër të Stacionit Policor në Skenderaj, kanë identifikuar disa persona që ushtronin veprimtari të lëmoshë-kërkimit”, njofton Policia e Kosovës.
Në njoftimin e policisë thuhet se zyrtarët policorë kanë ndërmarrë veprime konkrete, ku janë identifikuar tetë raste me disa persona shtetas të Kosovës dhe shtetas të huaj, të moshave të ndryshme duke ushtruar veprimtari të lëmoshë- kërkimit.
“Ndaj personave që janë hasë duke kërkuar lëmoshë janë ndërmarrë veprime duke iu shqiptuar fletëparaqitje sipas dispozitave të Ligjit për Ruajtjen e Rendit dhe Qetësisë Publike. Ndërsa me personat shtetas të huaj me procedura të mëtejme ka vazhduar sektori për migracion në kuadër të Policisë Kufitare”, thuhet tutje në njoftim.