Presidentja Osmani, ka takuar liderin e shumicës parlamentare në Dhomën e Përfaqësuesve të Shteteve të Bshkuara të Amerikës, kongresistin Darrell Issa dhe bashkudhëheqësit e Komisionit për Siguri dhe Bashkëpunim në Evropë në Kongresin Amerikan.
Në takimin me kongresistin Issa, Osmani ka deklaruar se është diskutuar për rëndësinë e anëtarësimit të Kosovës në NATO.
Presidentja Osmani e ka falënderuar kongresistin Issa, duke thënë që është një zë i rëndësishëm në përkrahje të Kosovës, i cili sipas saj ka potencuar fushat e ndryshme të interesit të dyanshëm ku mund të rritet bashkëpunimi ndërmjet Kosovës dhe SHBA-ve.
Presidentja e Kosovës, Vjosa Osmani, gjatë kësaj jave është takuar nga lideri i shumicës parlamentare në Dhomën e Përfaqësuesve të Shteteve të Bashkuara të Amerikës, kongresisti Steny Hoyer, dhe bashkudhëheqësit e komisionit për Siguri dhe Bashkëpunim në Evropë, senatori Ben Cardin dhe kongresisti Steve Cohen.
Sipas njoftimit të Presidencës, kongresisti Hoyer, e ka siguruar Presidenten Osmani që Kosova do të vazhdojë të ketë mbështetjen e fuqishme amerikane.
Siç është njoftuar nga Presidenca, Osmani ka falënderuar kryetaren Nancy Pelosi-n për mbështetjen e saj ndaj Kosovës për dekada me radhë, e sidomos në kohën kur Kosova kishte më së shumti nevojë përgjatë procesit të arritjes së lirisë e shtetësisë.
Presidentja e Kosovës, Vjosa Osmani dhe kryeministri, Albin Kurti, kanë udhëtuar në Shtetet e Bashkuara të Amerikës, për të marrë pjesë në ceremoninë mortore të ish-sekretares amerikane të Shtetit, Madeleine Albright.