Rreshteri policor, Anton Cena në emisionin “Rreth e Rrotull” në RTV Dukagjini, ka kujtuar nën lot rreshterin e rënë në detyrë të dielën e 24 shtatorit në Banjskë të Zveçanit, tashmë të shpallur heroi i Kosovës, Afrim Bunajku.
“Këto dy javë të fundit, Policia e Kosovës e ka bërë një lavdi jashtëzakonisht të madhe, ka treguar një profesionalizëm të paparë”, ka thënë ai.
“Dëshmori na shkoi, ngeli hero dhe unë shpresoj të jetë heroi i fundit për Policinë e Kosovës sepse i ndjeri ka qenë dy herë nxënësi im dhe më kujtohet në moshën 16-vjeçar ka ardhë në Akademi dhe më është afruar mua së pari për ca këshilla e më kujtohet si sot”, ka thënë rreshteri policor.
Ai ka treguar se është lavdi sa herë po e ngrisim flamurin e Policisë së Kosovës dhe flamurin e shtetit të Kosovës.
“Është lavdi sa herë po e ngrisim flamurin e Policisë së Kosovës dhe flamurin e shtetit të Kosovës, sidomos në shtete që nuk e kanë pranuar Kosovën”, ka thënë tutje ai.