Amaneti i saj pas humbjes së familjarëve në fshatin Sllovi të Lipjanit më 15 e 16 prill 1999 ishte ndërtimi i një kulle në nder të sakrificës së djemve dhe nipave të saj dhe gjithë martirëve të këtij fshati.
Kështu nis rrëfimi i Nënës Zepë e cila ka humbur 5 familjarë 24 vjet më parë nga regjimi serb.
Ajo ka rrëfyer mes lotësh se si forcat pushtuese të Serbisë ia kanë pushkatuar djemtë dhe nipat e saj.
Në mesin e tri amaneteve të saj ishte edhe ndërtimi i një kulle në nder të gjithë martirëve që kanë humbur jetën në këtë fshat.
“I kam pasur tri amanete, të botohet ni libër, ajo u realizua, të më varrosin afër djemve e nipave të mi, dhe të ndërtohet kjo kullë”, ka thënë Nëna Zepë.
E një iniciativë tashmë ka nisur për ndërtimin e kësaj kulle, tashmë është ndërtuar themeli dhe pritet të vazhdohet.
Më 15 e 16 prill 1999, në fshatin Sllovi të Lipjanit, forcat pushtuese të Serbisë vranë dhe masakruan 45 civilë të pafajashëm shqiptarë dhe plagosën shumë të tjerë.
Rrëfimin e plotë e gjeni më poshtë: