Nënoficerët e Policisë Ushtarake të FSK-së trajnohen nga ushtria e Shqipërisë

Mehaj, të dielën ka njoftuar se Nënoficerët e Policisë Ushtarake të FSK-së, kanë përfunduar me sukses trajnimin e tyre të përbashkët me ushtrinë e Shqipërisë

Ministri i Mbrojtjes, Armend Mehaj, të dielën ka njoftuar se është realizuar me sukses kursi i përbashkët i nënoficerëve të Policisë Ushtarake të Forcës së Sigurisë së Kosovës(FSK) me kolegët e tyre të Policisë ushtarake të FAR të Shqipërisë.

Përmes një postimi në Facebook, Mehaj ka thënë se për tetë javë, nga ana e instruktorëve të PU shqiptare, nënoficerët nga Kosova u specializuan në kursin e avancuar të policimit ushtarak, mbajtur në Rinas.

“Vazhdojmë drejt sukseseve të radhës. Së bashku gjithmonë më të fortë”, ka shkruar Mehaj.

Ministri ndër të tjera ka theksuar se FSK ka përfunduar me sukses trajnimin për qitje luftarake me mortaja.

May be an image of 3 people and outdoors

“Shtohen kapacitetet tona të specializuara me armë të zjarrit indirekt për mbështetje të afërt me zjarr me kalibra dhe municione të ndryshme. Në kuadër të bashkëpunimit dypalësh ushtarak në mes të Forcave të Armatosura të Republikës së Shqipërisë dhe FSK-së, nën drejtimin e instruktorëve të forcave tokësore shqiptare, është realizuar me sukses trajnimi i përbashkët me realizimin e qitjeve luftarake me mortaja dhe xhenion luftarake, në poligonin kombëtar të Bizës”, ka shkruar Mehaj.

May be an image of 3 people, military uniform and outdoors

Shija e redaktorit

Hapet Baza Ajrore e NATO-s në Kuçovë të Shqipërisë

Më 4 mars u hap zyrtarisht baza ajrore e NATO-s në Kuçovë, një “investim i madh që do të shërbejë për përmirësimin dhe modernizimin...

Mogherini bëhet me nënshtetësi shqiptare

Kryeministri i Shqipërisë, Edi Rama, i ka ofruar rektores së Kolegjit të Evropës, Federica Mogherini, nënshtetësinë shqiptare. Ai e ka falënderuar për këtë projekt të...

Realizohet fotografia familjare e samitit në Tiranë

Siç e do zakoni, pjesëmarrësit në samitin “Ukrainë-Europa Juglindore”, që po mbahet në kryeqytetin e Shqipërisë, Tiranë, kanë realizuar “fotografinë familjare” Presidenti i Ukrainës,  Vlodymyr...

Të fundit nga rubrika