Nëntë persona janë lënduar si pasojë e një aksidenti në fshatin Gllaviqicë të Pejës, të hënën e 11 korrikut.

Lajmin e ka bërë të ditur zëdhënësi i Policisë për rajonin e Pejës, Fadil Gashi.

Ai ka theksuar se në aksident janë përfshirë tri vetura, dhe sipas tij, tëlënduarit janë dërguar për tretman mjekësor në Spitalin e Pejës.

“Sot rreth orës 20:20 minuta, Policia është njoftuar për një aksident në rrugën Prishtinë-Pejë, saktësisht në fshatin Gllaviqicë. Në aksident janë përfshirë tri vetura, me ç’rast veç dëmeve materiale kanë pësuar lëndime nëntë persona të cilët janë dërguar në emergjencën e spitalit rajonal të Pejës për tretman mjekësor”, ka thënë Gashi.

Policia ka shkuar në vendin e ngjarjes dhe po merret me rastin.