Kryetarja e Gjykatës Kushtetuese të Maqedonisë së Veriut, Dobrilla Kacarska ka folur lidhur me punën e Gjykatës Kushtetuese në Maqedoninë e Veriut. Ajo ka thënë se Kuvendi i Maqedonisë së Veriut ka kohë edhe tre muaj t’i qaset krizës, sepse nëse nuk zgjidhen gjyqtarët e Kushtetueses dëmtohet kjo gjykatë.
Sipas saj, mbi 40 lëndë janë në pritje të përbërjes së plotë të Gjykatës Kushtetuese.
Kararska ka thënë se ajo nuk ka dijeni për këtë cështje më shumë sesa opinionin.
“Këta tre muaj janë shpresa e fundit për qytetarët se shteti, pra Kuvendi, do t’i qaset seriozisht këtij problemi, i cili dëmton jo vetëm punën e Gjykatës Kushtetuese”, ka theksuar ajo.
Nga kjo situatë, sipas saj, dëmin më të madh e pësojnë qytetarët nga pritja dhe zvarritja e proceseve.
“Për tre muaj skadon mandati i gjyqtares, Vangelina Markudova, dhe nëse gjyqtarët nuk zgjidhen deri në dhjetor, shteti do të hyjë në krizë kushtetuese”, ka thënë për TVM kryetarja e Gjykatës Kushtetuese, Dobrilla Kacarska.
Gjykata Kushtetuese, e cila e ka rolin e kontrollit të ligjeve, akteve dhe mbrojtjen e të drejtave dhe lirive të qytetarëve, do të jetë jofunksionale.