“Gareth Southgate duhet të mbetet si trajner i Anglisë, dhe më pas të mbahet nga Federata e Futbollit për të ndihmuar në formacionin lojës, për një afat të gjatë”.
Kështu ka thënë për Sky Sports, eksperti i futbollit, Gary Neville, i cili ka shtuar se nuk ka asnjë anglez të gjallë që ka më shumë përvojë në turne të mëdha.
Anglia u eliminua nga Kupa e Botës pasi humbi 2-1 ndaj kampionëve në fuqi, në çerekfinale. Ndërsa, Southgate u ka thënë shefave të tij në FA, se i duhet pak kohë për të shqyrtuar të ardhmen e tij deri në vitin e ri.
Southgate ka qenë në këtë rol që nga viti 2016, duke udhëhequr Anglinë në gjysmëfinalet e Kupës së Botës 2018, si dhe në finalen e Euro 2020, dhe Neville beson se 51-vjeçari – i cili është kontraktuar deri në vitin 2024 – duhet të qëndrojë në rolin e tij edhe më gjatë përtej rolit të trajnerit.
“Ai i ka parë të gjitha dhe unë mendoj se ai duhet të mbahet brenda sistemit për të hartuar të ardhmen. Ai ka qenë atje për 10 vjet, ne kemi pasur sukses të madh me ekipet e femrave, me ekipet më të reja dhe mendoj se ka pasur sukses shumë të mirë me ekipin e meshkujve dhe ndihem sikur ai e ka parë atë përmirësim në performancë dhe kulturë, gjatë 10 vjetëve. Unë do të doja që ai të qëndronte me FA, përtej rolit të tij trajner”, është shprehur Neville.
Sidoqoftë, Neville mendon se Southgate duhet të marrë një vendim shpejt dhe të mos lejojë që gjërat të zvarriten shumë deri në vitin e ri.
Gjithashtu, Nevillie shpreson se ky ekip mund të qëndrojë së bashku, duke shtuar se ka evoluar në këtë turne.