Avokati Musa Damati ka thënë se Republika e Kosovës duhet të hyjë në mesin e shteteve perëndimore të cilat lëndën e edukimit ligjor e kanë të përfshirë në kurikulat mësimore.
I ftuar në “Shpirti i vikendit” me Xheneta Asllani në Radio Dukagjini, Damati ka thënë se përfshirja e një lënde të tillë do të ngriste vetëdijen tek brezat e rinj në raport me veprimet kundër ligjit.
“Përfshirja e lëndëve të caktuara të reja siç ëshë edukimi ligjor nga mësimdhënësit apo ekspertët do të ndikonte pozitivisht tek ngritja e dijes tek brezat e rinj në raport me veprimet kundërligjore të caktuara. Vetëdija ligjore e cila vie shumë në shprehje tek qytetarët në SHBA dhe në Evropë mungon në Kosovë. Ne si avokat ballafaqohemi me raste kur pasi që ndodh një akt kriminal, klienti apo klientja nuk e ka pasur informacionin më të vetëm se kjo kategori e caktuar sanksionet, se ky veprim është i kundërligjshëm”, ka deklaruar Damati.
Sipas tij, Republika e Kosovës duhet të jetë e vëmendshme në të ofruarit trajtime të caktuara dhe në investime në sistemin arsimor ngase sipas tij, aspekti efektiv i trajtimit ligjor mungon nëpër shkollat e Kosovës.
Dhuna në familje
Krahas kësaj, avokati Damati ka folur edhe për dhunën në familje për të cilën, ai ka thënë se legjislacioni në Kosovë gëzon një legjislaturë të mire të ligjeve që trajtojnë rastet kundër dhunës, ligje këto të cilat ofrojnë mbrojtje dhe konfidencialitet.
“Ligji për mbrojtjen kundër dhunës në familje ofron mbrojtje të avancuar për viktimat të cilat mund të jenë subjekt i dhunës në familje dhe gjithçka zhvillohet në procedurë shumë të shpejtë gjyqësore dhe në formate konfidenciale duke ofruar mbrojtje të mirë për qytetarët e Republikës së Kosovës”, ka deklaruar Demati.
Ai ka theksuar se në këtë aspekt, është ligji ai i cili parasheh një kufizim të kontakteve, largim të anëtarve të familjes dhe veprime të bazuara në domenin penal për të cilin, avokati në fjalë thotë se duhet theksuar që gjindet jashtë domenit civil në bazë të cilit mbrohen të drejtat e njeriut.
Sa u përket dënimeve, Damati ka treguar se dënimet caktohen varësisht nga shkalla e demit. Ezksitojnë dënime me 5 vite burg, 10 e ndonjëherë edhe mbi 10 vite për akte më të rënda siç janë vrasja në tentativë.
Ndonëse dhuna në familje ishte rritur përgjatë kohës së pandemisë, avokati ka treguar se një formë e saj është treguar edhe brutaliteti policer. Këtë të fundit e ka thënë duke kujtuar rastin në SHBA, atë të George Floyd.
Dhuna seksuale dhe Vetting-u në drejtësi
Sanksionet kundrejt ngacmimeve dhe dhunës seksuale nuk lanë pa u përmendur përgjatë bisedës në studion e Radio Dukagjinit. Ndonëse shqetësuesi, Damasi ka thënë se jo të gjitha rastet bëhen publike dhe se ndaj të njëjtave, ndonëse legjislacioni ofron mbrojtje dhe fushë të strukturar kundrejt ligjeve moderne, problemi qëndron te politika ndëshkimore e Gjykatave të Kosovës.
Një avancim në mediumet e Kosovës e sheh sikurse të nevojshëm ngase transparenca e gjykatave sipas avokatit, është obligim ligjor. Si të tillë, ai e ka parë të nevojshëm involvimin e përcjelljes së rasteve të tilla nga ana e mediumeve.
“Ka nevojë për reforma në sistemin e drejtësisë. Ka nevojë për në vetting jo të tërënjëanshëm, jo hakmarrje ndaj profesionstëve të caktuar në mënyrë që të vijnë profesionistët e një subjekti tjetër politik. Ka nevojë për një instalim të strukturave profesionale”, ka deklaruar ai.
Kryeministri i Kosovës, Albin Kurti, krahas Ministres së Drejtësisë, Albulena Haxhiu, ka bërë dorëzimit e dosjes së dokumenteve të procesit të Vetting-ut tek Kryetari të Kuvendit të Kosovës, Glauk Konjufca, më 4 shtator të këtij viti.