Gjykata Kushtetuese e Kosovës ka njoftuar se Nexhmi Rexhepi është zgjedhur si kryetar i ri i kësaj gjykate.
Vendimi është marrë gjatë një seance administrative të zhvilluar më 10 dhjetor, e martë.
Mandati i Rexhepit do të fillojë më 31 dhjetor 2024, pas përfundimit të mandatit nëntëvjeçar të kryetares aktuale, Gresa Caka-Nimani.
“Mandati i Kryetarit në ardhje të Gjykatës do të filloj më 31 dhjetor 2024, pasi që Kryetarja aktuale, znj. Gresa Caka-Nimani, të përfundojë mandatin nëntë (9) vjeçar të paraparë për gjyqtarët e Gjykatës Kushtetuese, sipas përcaktimeve të paragrafit 2 të nenit 114 [Përbërja dhe Mandati i Gjykatës Kushtetuese] të Kushtetutës”, thuhet në njoftim.
Gjithashtu, gjyqtari Safet Hoxha është zgjedhur zëvendëskryetar i Gjykatës Kushtetuese.