Nga 1 janari 2023, Kroacia vendos euron si valutë

Komisioni Evropian ka konfirmuar se Kroacia i ka përmbushur kriteret për vendosjen e euros nga një janari 2023, kështu që vitin e ardhshëm ajo do të jetë pjesë e eurozonës

Kroacia do të jetë vendi i 20-të nga 27 vendet anëtare të Bashkimit Evropian(BE) që do të jetë pjesë e eurozonës dhe do ta ketë euron si valutë të saj, kështu kanë bërë të ditur Komisioni Evropian.

Komisioni Evropian përmes një njoftimi në Facebook, ka konfirmuar se Kroacia i ka përmbushur kriteret për vendosjen e euros nga një janari i vitit 2023.

“Sipas raportit tonë të Konvergjencës, Kroacia përmbush katër kriteret nominale të konvergjencës dhe legjislacioni i saj është plotësisht në përputhje me kërkesat e traktateve tona”, thuhet në njoftimin e KE.

Më tutje, thuhet se valuta euro do të forcojë ekonominë kroate dhe do të sjellë përfitime për qytetarët e saj, bizneset dhe shoqërinë në përgjithësi.

Ndryshe, pas rekomandimit të Komisionit të BE-së për anëtarësimin e Kroacisë në eurozon, duhet të bien dakord edhe krerët e shteteve dhe të qeverive të vendeve anëtare të BE-së.

Por, pas vlerësimit të qartë të Komisionit të BE-së nuk pritet vështirësi, pasi Kroacia ka plotësuar kriteret e konvergjencës, dhe vendosja e euros mbetet vetëm një formalitet.

Ministrat e Financave të BE-së pritet të vendosin rreth korrikut për kursin e këmbimit, në të cilin monedha kroate kuna, do të konvertohet në euro më 1 janar 2023.

Shija e redaktorit

Ndahen 8 milionë euro për 11 komuna

Ministri i Administrimit dhe Pushtetit Lokal(MAPL), Elbert Krasniqi, ka njoftuar se janë ndarë 8 milionë euro në 11 Komuna. Ministri Krasniqi, bashkë me kryetarët e...

Kosova një hap më afër anëtarësimit në Këshill të Evropës

Komiteti për Politikë dhe Demokraci i Këshillit të Evropës ka miratuar raportin e raportueses për Kosovën, Dora Bakoyannis, ku rekomandohet që shteti ka përmbushur...

Osmani: Historia e nënë Ferdonijes duhet të shërbejë si kujtesë...

Presidentja e Kosovës, Vjosa Osmani, ka folur mbi historinë e nënës Ferdonije Çerkezi, e cila ka humbur katër djemtë e saj dhe bashkëshortin gjatë...

Të fundit nga rubrika