Kryetari i Prishtinës, Përparim Rama, ka bërë të ditur se nga e hëna e 21 gushtit do të fillojë punën Dhoma e Monitorimit të Ndotjes Akustike në Inspektoratin e Kryeqytetit.
Ai përmes një postimi në Facebook ka thënë se të gjitha lokalet e gastronomisë në kryeqytet, të cilat nuk respektojnë decibelët e lejuar, do të gjobiten.
“Nga e hëna fillojmë edhe zyrtarisht punën dhe duke u bazuar në rregulloren e miratuar në Kuvend, të gjitha lokalet e gastronomisë në Kryeqytet, të cilat nuk respektojnë decibelët e lejuar do të gjobiten”, ka shkruar Rama.