Institucione nga Filipine kanë thënë se të paktën 27 persona kanë vdekur në stuhitë në të gjithë Filipinen këtë muaj, ndërsa sinoptikanët kanë paralajmëruar për vazhdimin e shirave të dendur në vendin e Azisë Juglindore.
Zyra e mbrojtjes civile në një raport, të dielën e 15 janarit, ka thënë se që nga fillimi i vitit, të paktën tri stuhi kanë lënë të vdekur 27 njerëz në të gjithë vendin, derisa 11 persona janë raportuar të plagosur dhe tre të zhdukur.
Parashikuesi shtetëror i motit “PAGASA”, ka paralajmëruar të dielën për shira të dendur mbi Gadishullin Bicol dhe provincën Quezon, në skajin jugor të ishullit kryesor të Luzonit.
“Në këto kushte, përmbytjet dhe rrëshqitjet e dheut të shkaktuara nga shiu, ka të ngjarë në zonat që janë shumë… të ndjeshme ndaj këtyre rreziqeve”, ka thënë parashikuesi shtetëror i mjetit në një këshillë.
Më shumë se 83 mijë njerëz janë strehuar në qendrat e evakuimit, sipas zyrës së mbrojtjes civile, dhe më shumë se një mijë e 200 shtëpi, janë dëmtuar nga përmbytjet dhe shirat e dendur, raporton aljazeera.