Një grua ka raportuar se mbrëmë në orët e vona të natës derisa po shkonte në shtëpinë e saj, është ngacmuar seksualisht nga një person i panjohur në Prizren.
Policia e Kosovës ka bërë të ditur se në vendin e ngjarjes kishte kamera të sigurisë dhe rasti është duke u hetuar.
Sipas Policisë, viktima nuk ka pësuar lëndime, por vetëm është shqetësuar.
“Ankuesja femër kosovare ka raportuar se deri sa ishte duke shkuar në shtëpinë e saj, është ngacmuar seksualisht nga një i dyshuar ende i panjohur. Në vendin e ngjarjes kishte kamera të sigurisë dhe rasti është duke u hetuar. Viktima nuk ka lëndime vetëm ishte e shqetësuar”, bëhet e ditur në raportin e PK-së.