Ngrihet aktakuzë ndaj 7 personave për rastin e 400 kg të drogës në Lipjan
Prokuroria Speciale e Republikës së Kosovës (PSRK) ka ngritur aktakuzë në Gjykatën Themelore në Prishtinë – Departamentin Special, kundër të pandehurve me iniciale I.SH, F.V, K.SH, K.B, F.B, H.SH Të pandehurit dyshohet se kanë kryer vepra penale të ndryshme që kanë të bëjnë me rastin e 400 kilogramëve të drogës të llojit kokainë, e cila […]





Prokuroria Speciale e Republikës së Kosovës (PSRK) ka ngritur aktakuzë në Gjykatën Themelore në Prishtinë – Departamentin Special, kundër të pandehurve me iniciale I.SH, F.V, K.SH, K.B, F.B, H.SH
Të pandehurit dyshohet se kanë kryer vepra penale të ndryshme që kanë të bëjnë me rastin e 400 kilogramëve të drogës të llojit kokainë, e cila ishte sekuestruar në hapësirën e kompanisë “MC FOOD” në Lipjan.
“Prokuroria Speciale njofton opinionin se është ngritur aktakuzë kundër të pandehurve me iniciale I.SH, F.V, K.SH, K.B, F.B, H.SH, N.M. për shkak se të njëjtit kanë kryer veprat penale ‘’Pjesëmarrja ose organizimi i grupit kriminal të organizuar’’, lidhur me veprën penale ‘’Blerja, posedimi, shpërndarja dhe shitja e paautorizuar e narkotikëve, substancave psikotrope dhe analoge’’, “Pengimi i të provuarit apo procedurës zyrtare si dhe Mbajtja në pronësi, kontroll ose posedim të paautorizuar të armëve’’, thuhet në njoftimin e Prokurorisë Speciale.
Prokuroria Speciale e Republikës së Kosovës në aktakuzë, përveç të tjerash, ka propozuar sekuestrimin e mjeteve të cilat janë përdorur për kryerjen e veprave penale.




















