Prokuroria Themelore në Gjakovë ka njoftuar se është ngritur aktakuzë ndaj të pandehurit, me iniciale D.Ll i cili dyshohet se ka kryer veprën penale “ngacmim seksual”.
Në njoftimin e Prokurorisë thuhet se i pandehuri më 26 mars 2025, në qytetin e Gjakovës, në Shkollën e Mesme të Ulët “M.K.”, ka ngacmuar seksualisht një person të mitur.
Sipas aktakuzës, i pandehuri ka realizuar sjellje të padëshiruara verbale të natyrës seksuale ndaj viktimës, duke i cenuar dinjitetin dhe krijuar një mjedis frikësues, degradues dhe poshtërues për të.
“Prokuroria Themelore në Gjakovë, Departamenti i Përgjithshëm, njofton opinionin publik, se ka ngritur aktakuzë, kundër të pandehurit me inicialet D.Ll., për veprën penale “Ngacmimi Seksual” nga neni 183 par.4, lidhur me par.1, të KPRK-së.
Sipas aktakuzës, ndër tjera ceket se i pandehuri me inicialet D.Ll., me datë 26.03.2025, në Gjakovë, saktësisht në Shkollën e Mesme të Ulët “M.K.”, e ngacmon seksualisht personin tjetër, e cila është viktimë e ndjeshme për shkak të moshës, duke u përfshirë në sjellje të padëshiruar verbale të natyrës seksuale ndaj të dëmtuarës/e mitur, veprime këto me të cilat të dëmtuarës/e mitur, i ka cenuar dinjitetin dhe i ka krijuar mjedis objektivisht frikësues, degradues dhe poshtërues. Prokurori i çështjes me rastin e ngritjes së aktakuzës, i ka propozuar gjykatës që të pandehurin ta shpallë fajtor dhe të dënohet sipas ligjit për veprën penale e cila i vihet në barrë, gjithashtu të pandehurit ti vazhdohet masa e paraburgimit deri në aktgjykimin e plotfuqishëm”, thuhet në njoftimin e Prokurorisë Themelore.