Pas përfundimit të dëshmisë së Ernest Kërçelit, drejtor i Infrastrukturës në ndërmarrjen “Ibër-Lepenc”, në seancën gjyqësore ka nisur dëshminë eksperti i Agjencisë së Kosovës për Forenzikë, Fatmir Ademi.
Gjatë seancës së sotme pritet të përfundojë vetëm marrja në pyetje nga prokurori.
Kjo pasi ekipet mbrojtëse kanë kërkuar që kundërpyetjet e tyre ndaj ekspertit të zhvillohen në seancën e së nesërmes, me arsyetimin se nuk kanë qenë të njoftuara paraprakisht se Ademi do ta fillonte dëshminë e tij gjatë seancës së sotme.