Nis Panairi i Librit, shtëpia botuese “Dukagjini” pret lexuesit me një ofertë të larmishme

Të martën e 6 qershorit është hapur edicioni i 23-të i Panairit të Librit në Prishtinë. Shtëpia botuese "Dukagjini" ka përgatitur 19 botime të reja dhe në stendën e saj në këtë panair pret lexuesit me një ofertë shumë të begatë

Shtëpia botuese “Dukagjini” gjendet në qendër të sallës së kuqe të Pallatit të Rinisë, ku pret lexuesit me një ofertë shumë të begatë.

Shtëpia botuese “Dukagjini” ka përgatitur 19 botime të reja për Panairin e 23-të të Librit në Prishtinë.

Në mes tyre, ka libra ekskluzivë të autorëve të njohur, si Jürgen Habermas, Hermann Hesse, Antoine de Saint Exupery, Niccolo Machiavelli, George Orwell, Tennessee Williams, Gëzim Aliu dhe shumë të tjerë.

Libri “Transformimi i ri i sferës publike dhe politika deliberative” i Jürgen Habermasit, i botuar në vitin 2022, vjen në shqip i përkthyer nga Blerta Ismajli, ekskluzivisht për këtë Panair, duke rihapur siparin e kolanës “Fryma” të “Dukagjini”-t.

Në stendën e “Dukagjini”-t janë edhe 18 botime të tjera të reja, prej të cilave 10 që shfaqen për herë të parë në Panair. Përkthime të reja nga kolana “Anima”, nga nobelisti Hermann Hesse, nga klasikët si “Princi i vogël” i Antoine de Saint Exupery, “Princi” i Niccolo Machiavelli-t dhe “Ferma e kafshëve” nga George Orwell.

Po ashtu, shkrimtari i njohur shqiptar, Gëzim Aliu, sjell me “Dukagjini”-n romanin e tij më të ri, “Sëmundje dhe Perëndi”.

Ndërkohë, edhe pesë tituj të tjerë nga imprinti “Lekë” do t’i shtohen zgjedhjes së lexuesve të pasionuar pas librave psikologjikë e atyre “self-help”.

Ekspozita e librit “Prishtina 2023” do të jetë e hapur deri më 11 qershor.

Moto e sivjetme e Panairit është “Libri triumfon”.

Panairi i librit organizohet nga Shoqata e Botuesve të Kosovës dhe këtë vit pritet të marrin pjesë rreth 100 botues nga Kosova, Shqipëria, Maqedonia e Veriut dhe Diaspora.

 

“Dukagjini” me 19 botime të reja, gati për panairin “Prishtina 2023”

Shija e redaktorit

Vetëm në muajin shkurt mërgata ka dërguar 87.9 milionë euro

Banka Qendrore e Republikës së Kosovës, sipas kalendarit të publikimeve, ka prezantuar statistikat për institucionet e tjera financiare për muajin shkurt 2024, të remitancave...

Ndahen 8 milionë euro për 11 komuna

Ministri i Administrimit dhe Pushtetit Lokal(MAPL), Elbert Krasniqi, ka njoftuar se janë ndarë 8 milionë euro në 11 Komuna. Ministri Krasniqi, bashkë me kryetarët e...

Kosova një hap më afër anëtarësimit në Këshill të Evropës

Komiteti për Politikë dhe Demokraci i Këshillit të Evropës ka miratuar raportin e raportueses për Kosovën, Dora Bakoyannis, ku rekomandohet që shteti ka përmbushur...

Të fundit nga rubrika