Nis protesta e opozitës në Shqipëri, Berisha e Meta marshojnë drejt Kryeministrisë

Opozita shqiptare ka nisur të premten protestën e radhës kombëtare, të drejtuar nga ish-kryeministri Sali Berisha, përballë Kryeministrisë, ku janë mbledhur edhe forcat e policisë

Pamje nga protesta në Shqipëri, foto nga Top Chennel, 3 mars 2023.

Mbështetësit e opozitës të drejtuar nga Sali Berisha, e nisën marshimin nga selia blu drejt Kryeministrisë.

Protesta zhvillohet njëkohësisht me gjyqin në Apel për vulën e Partisë Demokratike, ku do të vendoset ligjërisht nëse në krye të partisë më të madhe opozitare është Sali Berisha apo Enkelejd Alibeaj.

Tubimit i është bashkuar dhe kryetari i Partisë së Lirisë, Ilir Meta.

Në një deklaratë për mediat, Meta ka thënë se “protesta lidhet me çështjet me ekzistenciale të pluralizmit të drejtave të qytetarëve dhe ky vendim është mbajtur për shkak të korrupsionit të Edi Ramës”.

Dhjetëra forca policie janë në gatishmëri për protestën e organizuar nga Berisha, teksa mësohet se ata janë pozicionuar para Kryeministrisë.

Pjesëtarët e Policisë së Shqipërisë para Kuvendit të Shqipërisë, foto Top Channel, 3 mars 2023.

Me thirrjen “Mjaft është mjaft”, protestuesit kërkojnë dorëheqjen e kryeministrit Edi Rama, duke përdorur këtë herë si argumentin kryesor përfshirjen e kreut të qeverisë në çështjen “McGonigal”.

Protestuesit mbajnë në duar një dordolec të improvizuar si ish-shefi i FBI-së, Charles McGonigal, raporton Top Channel.

Sipas ish-kryeministrit Berisha, Rama ka kryer korrupsion me ish-zyrtarin e lartë në FBI, ashtu si oligarku rus, Oliver Deriaska.

Para fillimit të protestës në Tiranë, kryeministri Rama kishte zgjedhur që të rikujtojë nëpërmjet një postimi në Facebook, ngjarjet e 21 janarit.

Rama në reagimin e tij risjell në vëmendje audio-regjistrimin e publikuar së fundmi që tregon urdhrin e Gardës për hapjen e zjarrit me plumba luftarakë mbi turmën.

Kryeministri ka shtuar se drejtësia e vjetër dështoi të çonte përpara drejtësisë autorët dhe urdhëruesit e vrasjeve në bulevard, ndërkohë që uron që një gjë e tillë të mos ndodhë dhe me atë që ai e cilëson si drejtësi e re.

Shija e redaktorit

Vetëm në muajin shkurt mërgata ka dërguar 87.9 milionë euro

Banka Qendrore e Republikës së Kosovës, sipas kalendarit të publikimeve, ka prezantuar statistikat për institucionet e tjera financiare për muajin shkurt 2024, të remitancave...

Ndahen 8 milionë euro për 11 komuna

Ministri i Administrimit dhe Pushtetit Lokal(MAPL), Elbert Krasniqi, ka njoftuar se janë ndarë 8 milionë euro në 11 Komuna. Ministri Krasniqi, bashkë me kryetarët e...

Kosova një hap më afër anëtarësimit në Këshill të Evropës

Komiteti për Politikë dhe Demokraci i Këshillit të Evropës ka miratuar raportin e raportueses për Kosovën, Dora Bakoyannis, ku rekomandohet që shteti ka përmbushur...

Të fundit nga rubrika