Policia ka nisur hetimin për trajtim të pandërgjegjshëm mjekësor në Spitalin e Gjakovës pas vdekjes së një personi.

Familjarët e viktimës kanë ngritur dyshime se vdekja e tij ka qenë rezultat i mostrajtimit të duhur mjekësor.

Sipas raportit të Policisë së Kosovës, viktima, një mashkull kosovar, ishte duke u trajtuar në spital kur ndërroi jetë.

Për këtë arsye, me vendim të prokurorit, trupi i pa jetë është dërguar në Institutin e Mjekësisë Ligjore (IML) për kryerjen e obduksionit.

“Është raportuar se viktima mashkull kosovar, i cili ishte duke u trajtuar në spital kishte ndërruar jetë. Familjarë dyshojnë se kjo kishte ardhur si pasojë e mos trajtimit adekuat mjekësor. Me vendim të prokurorit trupi i pa jetë është dërguar në IML për obduksion”, thuhet në raportin e PK-së.