Ndonëse po u dëmtohet shëndeti dorë s’po heqin nga qëllimi që kanë.
Me maska, banorët e fshatit Sfërkë e Pejës po vazhdojnë protestën tek rruga që çon për tek deponia.
Kjo e fundit është përfshirë nga zjarri tash e disa ditë, e si pasojë mbrëmë janë helmuar disa qytetarë.
Ibrahim Bajrami, që mbrëmë pati nevojë për trajtim mjekësor ka treguar për problemet që po ua shkakton deponia.
Ai tha se ka vite që e kanë paditur kompaninë “Ambienti” e Komunën e Pejës.
I shqetësuar për këtë gjendje është edhe një tjetër banorë.
Për shkak të tymit që po lirohet nga djegia e deponisë, po ngordhin edhe pulat e një ferme këtu në fshat.
Ukaj tha së kjo s’është hera e parë që po dëmtohen.
Pikërisht për zjarrin hetime kanë nisur nga Prokuroria Themelore e Pejës.
Ndërkohë për shkak të tymit mbrëmë ekipet mjekësore u kanë ofruar trajtim protestueseve.
Nga Spitali i Pejës për Televizionin Dukagjini bën të ditur se një person është liruar në gjendje stabile pas trajtimit mjekësor.