Një burrë është gjetur pa shenja jete të dielën në qytetin e Gjilanit.

Lajmi është konfirmuar nga Policia e Kosovës përmes raportit të saj 24-orësh.

Sipas njoftimit, në vendin e ngjarjes kanë dalë njësitë përkatëse policore dhe një ekip mjekësor, i cili ka konstatuar vdekjen e viktimës në vend.

“Është raportuar se viktima, mashkull kosovar, është gjetur pa shenja jete. Në vendin e ngjarjes kanë dalë njësitë relevante policore si dhe ekipi mjekësor, ku mjeku kujdestar ka konstatuar vdekjen e viktimës”, thuhet në raport.

Me urdhër të prokurorit të rastit, trupi i pajetë është dërguar në Institutin e Mjekësisë Ligjore për obduksion.

Hetimet lidhur me rastin janë duke vazhduar.