Një cisternë me ujë të pijes është vendosur në një parking në Vushtrri me ç’rast, qytetarët mund të furnizohen me ujë të pijes.
Lajmin e ka bërë të ditur Kompania Rajonale e Ujësjellësit “Mitrovica” e cila ka bërë të ditur janë duke u bërë përpjekje që Impianti i Balincit të fillojë prodhimin e ujit.
“Cisterna me ujë të pijes është vendosur në parkingun e madh përballë bankës “Raiffeisen” dhe të gjithë qytetarët e interesuar mund të furnizohen me ujë të pijes. Nga ana tjetër jemi duke bërë përpjekje maksimale që edhe Impianti i Balincit të filloj prodhimin/trajtimin e ujit.Për zhvillime të reja do u informojmë me kohë”, thuhet në njoftim.
Përgjatë ditëve të fundit, reshjet e mëdha të shiut në Kosovë kanë shkaktuar vërshime e njëherit, nga këto të fundit janë shkaktuar edhe dëme. Si rrjedhojë, uji për pirje në shumë pjesë të Kosovës është turbulluar.