Një delegacion i lartë i NATO-s, të enjten viziton Kosovën

Një delegacion i lartë i Këshillit të NATO-s do të jetë për vizitë në Kosovë këtë të enjte

Emblema e NATO-s

Të enjten e shtatë korrikut, Kosova do të vizitohet nga një delegacion i lartë i Këshillit të Aleancës Veriatlantike (NATO).

Këtë e ka bërë të ditur zëdhënsja e NATO-s, Oana Lungescu, përmes një postimi në llogarinë e saj në Twitter.

Ajo ka njoftuar se delegacioni do të udhëhiqet nga zëvendëssekretari i përgjithshëm, Mircea Geoana.

“Të enjten e 7 korrikut, një delegacion i lartë i Këshillit të NATO-s do ta vizitojë Kosovën. Zëvendëssekretari i përgjithshëm, Mircea Geoana, do të jetë udhëheqës i delegacionit”, ka shkruar Lungescu.

Ndryshe, kryeministri i Kosovës, Albin Kurti, në kuadër të vizitës në Shtetet e Bashkuara të Amerikës, ku ishte i ftuar si folës në World Affairs Forum, kishte kërkuar ndihmën e SHBA-ve, që Kosova të bëhet pjesë e Programit Partneriteti për Paqe të NATO-s, derisa të bëhet anëtare e plotë e Aleancës më të fuqishme ushtarake në botë.

“Si aleat dhe mik i pashmangshëm, na duhet ndihma e SHBA-ve për t’u bërë pjesë e Programit Partneriteti për Paqe të NATO-s, derisa të bëhemi anëtar i plotë i NATO-s”, ka thënë Kurti.

Ndërkaq, nga e premtja e 20 majit, Forcës së Sigurisë së Kosovës i janë bashkuar edhe 257 ushtarë të rinj.

Në ceremoninë e betimit të këtyre rekrutëve të rinj, që është mbajtur në kazermën e Komandës dhe Doktrinës në Ferizaj, komandantja supreme e Ushtrisë së Kosovës, Vjosa Osmani ka thënë se me këtë numër të rekrutëve, FSK-ja gjithnjë e më shumë po zhvillohet konform standardeve profesionale dhe në harmoni me praktikat e ushtrive më moderne në botë.

Presidentja e Kosovës, Osmani, ka thënë se anëtarësimi i Kosovës në NATO është domosdoshmëri dhe se në këtë drejtim po punojnë në përgatitjen më të mirë të ushtrisë së Kosovës.

Shija e redaktorit

Vetëm në muajin shkurt mërgata ka dërguar 87.9 milionë euro

Banka Qendrore e Republikës së Kosovës, sipas kalendarit të publikimeve, ka prezantuar statistikat për institucionet e tjera financiare për muajin shkurt 2024, të remitancave...

Ndahen 8 milionë euro për 11 komuna

Ministri i Administrimit dhe Pushtetit Lokal(MAPL), Elbert Krasniqi, ka njoftuar se janë ndarë 8 milionë euro në 11 Komuna. Ministri Krasniqi, bashkë me kryetarët e...

Kosova një hap më afër anëtarësimit në Këshill të Evropës

Komiteti për Politikë dhe Demokraci i Këshillit të Evropës ka miratuar raportin e raportueses për Kosovën, Dora Bakoyannis, ku rekomandohet që shteti ka përmbushur...

Të fundit nga rubrika