Një delegacion nga VV-ja bën homazhe në Çabër në përkujtim të tre fëmijëve që vdiqën 20 vjet më parë

20 vjet më parë, në Çabër të Mitrovicës, buzë lumit Ibër, tre fëmijë teksa po luanin humbën jetën tragjikisht

16 marsi i 2004-ës shënon një ditë të zezë për Mitrovicën dhe gjithë Kosovën.

20 vjet më parë, në Çabër të Mitrovicës, buzë lumit Ibër, tre fëmijë, Egzon Deliu, 12-vjeçar, Avni Veseli, 13-vjeçar dhe Florent Veseli, 9-vjeçar teksa po luanin humbën jetën tragjikisht.

Për të bërë homazhe në nderim e kujtim të tre fëmijëve që humbën jetën tragjikisht në Çabër sot ishte një delegacion i Lëvizjes Vetëvendosje i prirë nga Sekretari Organizativ, Alim Rama së bashku me deputetë, aktivistë e anëtarë të Qendrës në Mitrovicë.

Në një postim në Facebook të Lëvizjes Vetëvendosje (LVV) thuhet se kjo vrasje e tre fëmijëve preku secilin qytetar duke rezultuar në organizimin e protestës paqësore me datë 17 Mars.

“Qytetarët shqiptarë dolën te ura e lumit Ibër në Mitrovicë për të parë serbët e organizuar në pjesën tjetër të cilët filluan të shtijnë me armë zjarri ndaj protestuesve, dhe ndaj shqiptarëve që ende jetonin në pjesën veriore. Policia e UNMIK-ut dhe e KFOR-it, vetëm kishte vëzhguar situatën dhe nuk kishte provuar ta ndalë dhunën e t’i arrestojë kriminelët serb që kishin shtënë mbi protestuesit paqësor. Kështu, pas vrasjes së fëmijëve dhe qytetarëve të paarmatosur në protestë, në mbarë vendin vërshuan protestat që kërkonin drejtësi. Në këto ngjarje që pasuan, e që u quajtën “Trazira të Marsit”, 19 qytetarë mbetën të vdekur, prej tyre 11 shqiptarë”, thuhet në postimin e VV-së në Facebook.

20 vjet më parë ngjarja filloi teksa një serb që po korrte tallën aty fillon t’i fyejë fëmijët, e më pas një grup tjetër serb i bashkohen atij me sharje, kurse në anën tjetër qentë e tyre vrapojnë drejt fëmijëve të cilët të frikësuar fillojnë të ikin dhe hyjnë në lumin Ibër duke humbur tragjikisht jetën e tyre.

Shija e redaktorit

Spanja kampione e Evropës për herë të katërt

Ka mbaruar super ndeshja mes Spanjës dhe Anglisë në kuadër të finales së Kampionatit Evropian 2024. Pas një loje fantastike, Spanja ka përmbyllur ndeshjen me...

Spanja në finale, mposht Francën

Kombëtarja e Spanjës ka arritur kualifikimin në finale të Euro 2024, pasi mposhti me rezultat 2:1 kombëtaren e Francës në gjysmëfinale. Në pjesën e dytë...

Ballkani triumfon në ndeshjen e parë kualifikuese në Ligën e...

Ballkani ka fituar 2-1 ndaj Santa Coloman në 1/8 e fazës kualifikuese në Ligën e Kampionëve. Ndeshja nisi me një ritëm të qetë, por që...

Të fundit nga rubrika