Një grua e moshuar është gjetur pa shenja jete pas shtëpisë së saj në Prishtinë, të enjten në mëngjes.

Sipas raportit 24-orësh të Policisë së Kosovës, rasti është raportuar më 25 shtator, rreth orës 05:50, pasi familjarët e saj e kanë gjetur viktimën pa shenja jete.

Njësitë relevante policore kanë dalë në vendin e ngjarjes, ndërsa ekipi mjekësor ka konstatuar vdekjen e saj.

Me urdhër të prokurorit, trupi i pajetë është dërguar në Institutin e Mjekësisë Ligjore (IML) për obduksion.

Rasti është cilësuar si “Hetim i vdekjes”.