Në një bankë në Rio de Janeiro të Brazilit, një grua detyroi një burrë 68-vjeçar të vdekur të nënshkruante për një kredi.
Erika Vieira Nunes e futi kufomën 68-vjeçarit në bankë dhe përpiqej ta bindë atë të firmoste dokumentin për një kredi prej 3 mijë e 250 dollarë.
Pamjet e sigurisë tregojnë gruan duke u përpjekur të vendoste stilolapsin në dorën e të vdekurit për të firmosur dokumentin, ndërsa ajo e inkurajonte atë të nënshkruante.
Megjithatë, burri nuk reagoi, duke i shtyrë zyrtaren e bankës të dyshonte në situatën.
Pasi kuptoi se burri ishte i vdekur, zyrtarja e bankës mori menjëherë masa dhe thirri policinë.
“Unë nuk mendoj se kjo është e ligjshme. Ai nuk duket mirë. Ai është shumë i zbehtë”, i kishte thënë gruas punonjësja e bankës.
Gruaja më pas e arsyeton se ai nuk përgjigjet asnjëherë dhe se është vetë mënyra e tij e sjelljes.
Si pasojë, gruaja u arrestua dhe kufoma u dërgua në morg.
Mjekët në vendngjarje konfirmuan se pensionisti i ndjerë, Paulo Roberto Braga, 68 vjeç, kishte ndërruar jetë disa orë më parë.
Gruaja që e futi në bankë, i ka thënë policisë se ajo ishte mbesa e tij, si dhe kujdestare e tij.