Një ngjarje e rëndë ka ndodhur gjatë ditës së sotme në fshatin Raskovë të Obiliqit, ku një grua 48-vjeçare është gjetur pa shenja jete, në rrethana ende të paqarta.
Lajmin e ka konfirmuar zëdhënësja e policisë për rajonin e Prishtinës, Flora Ahmeti, e cila njoftoi se rasti është raportuar rreth orës 13:00. Sipas saj, në vendin e ngjarjes kanë intervenuar menjëherë njësitet policore dhe ekipi mjekësor emergjent, të cilët kanë konstatuar vdekjen e viktimës.
“Rreth orës 13:00, në fshatin Raskovë të Obiliqit, është raportuar për një person pa shenja jete. Menjëherë pas marrjes së informacionit, njësitet policore kanë dalë në vendin e ngjarjes, ku në rrethana ende të paqarta një person ka vdekur. Në vendin e ngjarjes ka intervenuar edhe ekipi mjekësor emergjent, i cili ka konstatuar vdekjen e viktimës, (femër), 48-vjeçare”, ka deklaruar Ahmeti.
Trupi i pajetë i viktimës është dërguar për obduksion, ndërkohë që hetimet për zbardhjen e plotë të rrethanave të rastit kanë nisur në koordinim me Prokurorinë.
Autoritetet po vazhdojnë punën për të hedhur dritë mbi këtë rast tragjik./Telegrafi