Një grua është gjetur pa shenja jete rreth orës 18:00 në fshatin Dardhishtë të Obiliqit.
Vdekjen e saj e ka konstatuar ekipi mjekësor në vendin e ngjarjes.
Lajmin për Dukagjinin e ka konfirmuar zëdhënësja e policisë për rajonin e Prishtinës, Flora Ahmeti.
Ahmeti ka thënë se trupi i pajetë i viktimës është dërguar për obduksion dhe se rasti po hetohet si “Vdekje e dyshimtë”.
“Aktualisht policia me kujdes të shtuar ka nisur hetimin e rastit dhe po ndërmerr të gjitha veprimet e duhura hetimore dhe ato forenzike – të ekzaminimit, që do të ndihmonin hetimin e ngjarjes si dhe sqarimin dhe ndriçimin e plotë të rastit”, ka thënë Ahmeti.