Një grua është gjetur pa shenja jete në Rahovec, ndërsa rasti po hetohet nga Policia e Kosovës.
Sipas raportit 24-orësh të policisë, viktima, një femër kosovare, është dërguar pa shenja jete në Qendrën Kryesore të Mjekësisë Familjare (QKMF) në Rahovec, ku mjeku kujdestar ka konstatuar vdekjen e saj.
Bazuar në deklarimin e një dëshmitari, viktima ishte gjetur e shtrirë në shtëpinë e saj.
Në vendin e ngjarjes kanë dalë njësitë përkatëse policore për të kryer veprimet hetimore.
Me vendim të prokurorit, trupi i pajetë është dërguar në Institutin e Mjekësisë Ligjore (IML) për obduksion, ndërsa rasti është iniciuar si “Hetim i vdekjes”.