Një grua është gjetur pa shenja jete të dielën afër liqenit të Batllavës.

Zëdhënësja e Prokurorisë Themelore të Prishtinës, Kaltrina Shala, ka thënë për Dukagjini se prokurori kujdestar ka urdhëruar të bëhet obduksioni në Institutin e Mjekësisë Ligjore.

“Është gjetur një grua pa shenja jete, si dhe Prokurori kujdestar ka urdhëruar për në obduksion në Institutin e Mjekësisë Ligjore”, ka thënë Shala.

Ajo ka bërë të ditur se tashmë është duke u hetuar ky rast dhe në bashkëpunim me Policinë janë marrë të gjitha veprimet dhe masat e nevojshme.