Të premten e 29 marsit në Mitrovicë një person ka njoftuar policinë se ai dhe e dashura e tij, ishin sulmuar fizikisht nga ish-bashkëshortja dhe vajza e tij.
Kështu bëhet e ditur në raportin 24-orësh të policisë.
“Rr. Çlirimi, Mitrovicë Veri 29.03.2024 – 16:50. Ankuesi mashkull kosovar, ka njoftuar policinë se ai dhe e dashura e tij, janë sulmuar fizikisht nga dy të dyshuarat femra kosovare (ish-bashkëshortja e tij dhe vajza e tij)”, thuhet në raportin e policisë.
Të dyshuarat pas intervistimit me vendim të prokurorit janë liruar në procedurë të rregullt.
Gjatë verifikimit ka rezultuar se ankuesi ka urdhëresë aktive nga gjykata dhe i njëjti është dërguar për vuajtje të dënimit në Qendrën e Paraburgimit në Hajvali.