Një person është arrestuar të hënën në Viti, nën dyshimin se e ka ngacmuar dhe sulmuar seksualisht një grua.
Në raportin 24-orësh të policisë, bëhet e ditur se rasti nga viktima është raportuar se ka ndodhur vitin e kaluar, ndërsa muaji apo dita nuk është bërë e ditur.
I dyshuari me vendim të prokurorit është dërguar në mbajtje.
“Viti 2023 – NN. Me 22.07.2024 viktima femër kosovare, ka raportuar se para një viti, i dyshuari mashkull kosovar, e kishte ngacmuar-sulmuar seksualisht viktimën. I dyshuari është arrestuar”, thuhet në njoftimin e policisë.
Ndërsa, me vendim të prokurorit, i dyshuari është dërguar në mbajtje.