Një person ka humbur jetën në aksidentin që ka ndodhur rreth orës 18:20 në magjistralen Prishtinë-Pejë, në segmentin në Komoran.
Ndërsa 10 të tjerë kanë mbetur të lënduar, dy prej të cilëve janë në gjendje të rëndë shëndetësore.
Këtë e ka konfirmuar drejtori i Klinikës Emergjente në QKUK, Naser Syla, i cili tha se një prej të aksidentuarve në Klinikën Emergjente është sjellë pa shenja jete.
“10 të lënduarit janë duke u trajtuar në Qendrën Emergjente në QKUK. Dy prej të lënduarve janë me lëndime të rënda, njëri prej të cilëve është në gjendje jo stabile, ndërsa tjetri gjendjen e ka stabile”, ka thënë Syla për KALLXO.com.