Ministria e Shëndetësisë, sipas të dhënave nga Instituti Kombëtar i Shëndetësisë Publike të Kosovës, të enjten ka informuar se nga 2 mijë e 279 testime, 780 qytetarë kanë rezultuar pozitiv me virusin COVID-19.

Gjatë 24 orëve të fundit, është shënuar një rast i vdekjes.

Ndërsa të enjten janë shëruar 1 mijë e 562 qytetarë, derisa numri i përgjithshëm i të shëruarve është 252 mijë e 600.

Ndërsa, në total numri i rasteve aktive është 7 mijë e 221.

Postimi i Ministrisë së Shëndetësisë për gjendjen aktuale me COVID-19 në Kosovë

Në 24 orët e fundit janë vaksinuar 58 persona.

Që nga fillimi i vaksinimit, në të gjitha qytetet e Kosovës, janë dhënë një milion e 834 mijë e 847 doza të vaksinës.

Deri më sot, 824 mijë e 290 qytetarë janë vaksinuar me dozën e dytë.

Ndërsa, doza përforcuese dhe doza të treta të vaksinës kundër COVID-19 janë dhënë 104 mijë e 782.